Таттуу даамдын сырлары жана жашоо кубаты (Оджас)

Таттуу даамдын сырлары жана жашоо кубаты (Оджас)

Таттуу даам биздин рациондо сөзсүз болушу керек. Түшкү тамакты таттуу менен жыйынтыктоо зарыл, бирок, албетте, чеги менен. Эгерде адам торт сыяктуу таттууларды чегинен ашык жеп алса, ал көп сүйлөй баштайт. Ал эми адам алсыз болуп, сүйлөөгө да алы келбей турса, бул анын организминде "оджас" калбаганын билдирет.

Оджас — бул түзмө-түз "жашоо кубаты", адамга күч-кубат берүүчү энергия. Ошондуктан таттуу даамды алсыз адамдарга берүү керек. Мисалы, дистрофия менен ооругандарга же операциядан кийин күч-кубат топтоо керек болгон бейтаптарга дарыгерлер таттуу жемиштерди жегенди сунушташат. Мындай учурда адам тез эле калыбына келет.

Таттуу даам адамда сүйүү жана канааттануу сезимдерин ойготот. Негизинен, бул даам өзүнөн-өзү эле назик денеге (тонкое тело) сүйүүнүн жана бейпилдиктин мүнөзүн тартуулайт. Бул — бакыттын даамы. Ошондуктан аны баары жакшы көрүшөт.

Аялзаты жана Ай табияты

Таттуу даамга баарынан да аялзаты көбүрөөк байланган. Веда илиминде аялдар күн сайын таттуу жеп турушу керек экени айтылат, болбосо аларда гормоналдык көйгөйлөр жаралышы мүмкүн. Бул эмне менен байланыштуу? Аялдын табияты — айланасындагыларга бакыт тартуулоо, ошондуктан аларга эркектерге караганда кант көбүрөөк керектелет.

Аял таттуу жегенде өзүн абдан жакшы сезет. Бул алар үчүн чоң муктаждык. Албетте, түндөсү жеген таттуу ашыкча майга айланат , бирок аялзаты стресске кабылганда же маанайы түшкөндө, жанына алып жүргөн момпосуйду же бир аз таттуу жеп койсо эле дароо өзүнө келип, баары жакшы болуп калат.

Аялдын табияты Ай менен, ал эми эркектин табияты Күн менен байланыштуу. Оджас дагы, таттуу даам дагы Айга таандык. Ошондуктан аялдарга таттуунун баары жагат: таттуу сөз, таттуу жылмаюу жана таттуу даам.

Эркектер жана Күн табияты

Ал эми эркектерде таттуу даам жалкоолукту, апатияны жана ырахатка ашыкча берилүүчүлүктү пайда кылышы мүмкүн. Ошондуктан эркектерге таттууну көп жеш сунушталбайт, таттуу алар үчүн кыйратуучу таасирге ээ.

Кызыгы, эркектер өздөрү деле таттууга анчалык байланган эмес. Болсо жешет, жок болсо издешпейт. Эркектерге көбүнчө дан азыктары, ачуу жана "оттуу" тамактар жагат. Бул алардын Күн табиятына шайкеш келет.

Үй-бүлөлүк гармониянын сырлары

Ведаларда жазылгандай, эгерде эркектер аялына таттууларды көп белек кылып турса, аялдар үй-бүлөдө көбүрөөк бакыт жана мээрим жаратышат. Ошондой эле, аялзаты сөзсүз түрдө таттууларга, кооз кийимдерге жана жасалгаларга ээ болушу керек. Бул жөн гана каприз эмес, бул — табигый муктаждык.

Ал эми эркекке мындай майда-чүйдө нерселердин кереги жок, эркек үчүн эң негизгиси — сый-урмат жана статус.

Таттуу даамдын кубаты жана Пита-доша

Таттууга болгон жакындык адамдын "жакшылык кубатында" (гуна благости) экендигин билдирет. Мисалы, ичимдик ичкен адамдар таттууга такыр жакын эмес. Алар пивону момпосуй менен эмес, туздуу бадыраң же кургатылган, сасык балык (таранка) сыяктуу өз табиятына окшош нерселер менен ичишет.

Таттуу даам кайсы азыктарда бар?

• Курамында крахмал, белок жана углеводдор бар азыктар таттуу даамга ээ.

• Мисалы: гречка, күрүч, топинамбур, ак ун жана банан.

• Ал эми эң таза кант болуп — кант камышы (сахарный тростник) эсептелет.

Таттуу даам менен дарылоо: Таттуу даам аркылуу Пита (от) дошасынын ооруларын дарылоого болот. Эгерде Пита конституциясындагы жолдошуңуздун кыжырдануусу башталып, "оту тутанып" келе жатса, аны дароо отургузуп, колуна бир нерсе таттуу карматыңыз. Таттуу даам Питанын отун өчүрөт да, ал дароо тынчтанат.

Олег Торсунов